一言難盡

只能說哀莫 大於心死

從何說起？

曾幾何時，吾打算要朗朗。

最後，決定俾個機會佢，又俾個機會自己。

如今諗番，有沒有做錯決定？

老公已經無哂耐性再照顧初生bb，更遇著朗朗極度吾夠安全感的情況下，好多時都喊。於是火星撞地球！就已今日為例，係我開奶期間，聽到老公勁粗暴甘推朗朗㗎車，然後係驚慌下，朗朗又再喊勁啲。

呢類嘅事情發生左好幾次，令我不期然諗自己當初係咪做錯決定。我有沒有害左朗朗？

好攰喇！負能量爆燈，好驚自己有日忍不住做傻事！

工人！

生多個小朋友係要付出，我明！

所以我自己會接受晴晴同朗朗既任何野....因為呢個係自己作既果。

但唔代表我無左自己既生活架！

我都係想星期六日出去行下，睇下呢樣果樣，而唔係被人禁錮在家 (定係軟禁？) 我唔想星期六日唯一去既地方只係街市！

而家我星期一至五都寧願辛苦D，推一個抱一個去商場行下，平衡一下自己！

作為一個無薪工人，真係好攰呢！

A Bit Down

well, 坐完月先開始抑鬱......

鬼咩，老公應承左既野成日都唔記得左。(佢應承陪我睇電話，無左影。) 我又唔想提佢呀！哼....成日就係度話自己忙，無記性。我真係唔想佢再咁唔上心囉！

另外，上星期六第一次一家四口在家中。佢用好差既語氣黎同我講：我而家去買麵包做午餐。以後都係咁架喇！(咁即係點呀？生左朗朗就罰我無得出街？我日日揹住朗朗去買送，你唔出聲？) 真係好嬲！

再者，晴晴朝早 (約 7 點) 要起身飲餐奶然後瞓番，係我錯！

朗朗仲未戒到夜奶係我唔岩咁！ 

屈屈埋埋，就黎爆炸！

我發現...

WELL，唔搬 BLOG 都唔會睇番自己既舊 BLOG。方發現自己曾經係幾咁傻.....

如今？為五斗米折腰；為晴朗儲奶粉錢；為老公同我的將來作準備.....等等。仲邊有時間做白日夢？

「少女情懷總是詩」，只可惜我已經唔再係少女。發夢的日子過去了！

朗朗出來了

去到醫院，已經越來越痛。姑娘一 CHECK：原來已經開左 4度。我即刻打左個突.....咁快？

成日聽人講，好慢先開到 10 度。於是就叫老公返屋企抖先！佢係度都無作用，因為佢幫唔到我解決痛楚。同埋佢都無打算入產房，係出面等 WO。都幾無聊！最緊要係....我估自己早上才生得嘛！

點知....老公前腳走左無耐，我覺得自己好痛。於是按鐘叫姑娘黎.....佢地竟然話生得喇！嚇死我咩！我 0：35 先入院咋WO，而家先 1：00 左右 (我估咋.....痛到都唔知時間)，咁快就開到？咁快就生得？醫生呢？黎唔得黎得切架？
 
入左產房，醫生就好快出現。又再一次經歷 10 級既痛楚，今次仲要叻到唔駛醫生用工具幫我，(核突 D 講) 痀左朗朗出黎。

當我通知老公我生左後，佢都呆一呆。因為....我地都估唔到甘快生出黎，而佢都係番到屋企無耐。(作為一個盡責 C9，只係吩咐佢幫我掛好D衫佢。)

好彩既就係我好有遠見，知咁早唔會有人接濟我。係打風前夕已經預備好每天既早餐！(面包是也！)

就咁樣，朗朗就係天兔襲港當日面世 LU！

天免襲港

原本是風和日麗的周末，可惜無端端就打風。(其實都好少係9月尾打風，仲要講到呢個風咁鬼勁！)

朝早起身，已經覺得肚仔痛.....心諗唔係嘛，陣痛喇？跟住自己計下時，睇下幾耐痛一次。仲要去 VV 時，有 D 分秘，即刻報告老公！然後諗下點樣處理晴晴好。

第一時間 CALL 二寶，然後食完 LUNCH 就送晴晴出去。跟住就發現.....咿！陣痛無左既？唔理喇！感覺都係差唔多，唔好理喇！

由於天兔來勢凶凶，一早已經預備定物資煮飯。(之前仲大大聲同同事講，生日個日唔煮飯！因為上次係一邊煮，一邊痛，我都覺自己傻！) 今次？一 D 都唔痛，就梗係拿拿臨開工！

大約四點幾，掛左八號，咪繼續係屋企玩囉！

今次咁岩馬鞍山最食風，食完飯又同老公落街去感受下風既威力。與此同時，又開始痛喇WO！咪又繼績計下幾耐痛一次啦！

九點左右，老公發現公司隻窗唔知點解吹開左。佢叫我做埋跟得夫人一齊去，費時我突然有咩事！

番到屋企已經好晏，拿拿臨去沖涼。就係呢個時候又係去度 D 越來越痛既時間喇！

作為一個賢妻，都依然係做家務 - 開機洗衫去也！

如是者，大約 11：15 分時又再痛密左 (AROUND 3 分鐘度)，但我就開始心大心細入唔入院呢？第一，上次係連條尾龍骨都痛，今次無 WO！第二，如果 12 點前入，又計一日，咁我個四日三夜之旅咪好唔抵？

最後捱到 11：30，決定同老公入院去也！(心諗：呢個時候出發應該過 12 點喇嘛！)

係橫風橫雨下，無驚無險下到左醫院 LU！